Help - Search - Members - Calendar
Full Version: Shayari
Hamara Forums > General > Lingo Hamara > Regional Languages
catch22
Aakhri ayyaam mein saarey hisaab likhoon ga
Mein bhi aik din kitaab-e-hayaat likhoon ga

Kaheen khushi ka tazkara, kaheen dukhoon ki daastaan
Kitaab-e-zeest kay, saarey hi baab likhoon ga

Kis tarha ham par shabaab aayaa tha
Kis tarha dhal gaya yeh aaftaab, likhoon ga

Terey hissey ki saari taabeerein
Apney ujrey jo khaab, likhoon ga

Dil kay har zakhm ko kuredoon ga
Chahatoon kay azaab likhoon ga

Terey faraaq mein jo mehw-e-khayaal guzrey hein
Woh aankhoon mein sajey saarey saraab likhoon ga

Jo baarha tashnagi barhaatey rahey
Mosamoon kay ataab likhoon ga

Haqeeqatoon sey mera waasta nahi Waris~
Lagta hai saarey wehem-o-khaab likhoon ga

unknown
********************************************************************************
******

jab geet hawaaon ne gaaye tum yaad aaye
jab khushbu ke baadal chhaye tum yaad aaye
jab subaho ne rang chalkaye tum yaad aaye
jab mehke shaamo ke saaye tum yaad aaye

jab koi sunahara din aaya jab mausam jhuma gehraya
jab rut ne li ek angdayi jab dhoop me narmi si aayi
jab rang naye kaliyon ko mile jab daali daali phool khile
jab phoolon pe bhanwre mandraye tum yaad aaye

jab koi suhaani raat aayi jab sapno ki baarat aayi
jab ambar me taare damke jab aangan me jugnu chamke
jab hui ghaneri khamoshi jab chaayi halki behoshi
jab raat ne tan mann pighlaaye tum yaad aaye...

unknown

catch22
Jaane kya soch kar lahrein sahil se takrakar laut jaati hai,
Samajh nahi aata woh kinare se bewafai karti hai, ya laut kar samander se wafa nibhati hai.
This is a "lo-fi" version of our main content. To view the full version with more information, formatting and images, please click here.
Invision Power Board © 2001-2021 Invision Power Services, Inc.