Dear Friends,
Gopaldas Saxena 'Neeraj', a well known name among Poet & Lyricist, has pen-down hard-fact of life in his poem 'Carvaan Gujar Gaya'.
AND immortal RAFI had made it immortal.
We are living in mechanical world, always busy busy & busy, no time to even think that we are not made for this, God has given us master-key 'reasoning' which is improperly used by us. Let us have rest of some moments to analyse & conclude our past/present life.
Carvaan Gujar Gayaa
Jashn Jhare Phool Se, Meet Chupbhe Shool Se,
Lut Gaye singaar Sabhi , Baag Ke Babul Se,
Aur Hum Khade Khade Bahar Dekhte Rahe
Carvaa(n) Gujar Gayaa, Gubbaar Dekhte Rahe.
[SAMAY KA KHEL]
Neend Bhi Khooli Na Thi Ke Haaye Dhoop Dhal Gaee
Panv Jab Talak Uthe(n) Ke Jindagee Fisal Gayee
Paat Paat Jhar Gaye, Ke Shaakh Shaakh Jal Gayee
Chaah To Nikal Saki Na per Umar Nikal Gayee
Par Umar Nikal Gayee
Geet Ashk Ban Gaye, Swapn Ho Dafan Gaye
Saath Ke Diye Sabhee, Dhuaa(n) Pahan Pahan Gaye
Aur Hum Jhuke Jhuke Mod Par Ruke Ruke
Umar Ke Chadav Ka Utaar Dekhte Rahe
Carvaa(n) Gujar Gayaa, Gubbaar Dekhte Rahe.
[PARIVARTAN]
Kya Shabaab Tha Ke Phool Phool Pyar Kar Utha
Kya Kamaal Tha Ke Dekh Ayinaa Sihar Utha
Us Taraf Zameen Aur Aasmaa(n) Idhar Utha
Tham Kar Jigar Utha Ke Jo Mila Najar Utha
Ke Jo Milaa Najar Uthaaa
Ek Din Yahaa(n) Magar Aisee Kuch Hawaa Chali
Lut Gayee Kali Kali Ke Ghut Gayee Gali Gali
Aur Hum Lute Lute Waqt Se Pite Pite
Saans Ki Sharab Ka Khumaar Dekhte Rahe (Saans not Sham as per kind courtesy of dear ROM)
Carvaa(n) Gujar Gayaa, Gubbaar Dekhte Rahe.
[UNHONEE]
Maang Bhar Chali Ke Jab Nayee Nayee Kiran
Dhol Se Dhunuk Uthi Thumuk Uthe Charan Charan
Shor Mach Gaya Ke Lo Chali Dulhan Chali Dulhan
Gaon Sab Umad Padaa Behek Uthe Nayan Nayan
Behek Uthe Nayan Nayan
Magar Tabhi Zehar Bhari Ek Gaaz Veh Giri
Punch Gayaa Sindoor Taar Taar Huyee Chunree
Aur Hum Ajaan Se Door Ke Makan Se
Palki Liye Huye Kahaar Dekhte Rahe
Carvaa(n) Gujar Gayaa, Gubbaar Dekhte Rahe.
[MERI KAHANI]
Haath The Mile Ke Zulf Chand Ki Sanvaar Doo(n)
Aounth The Khule Ke Har Bahaar Ko Pukaar Loo(n)
Dard Tha Diyaa Gayaa Ke Har Dukhee Ko Pyar Doo(n)
Aur Saans Yoo(n) Ke Swarg Bhoomi Par Utar Doo(n)
Bhoomi Par Utaaar Dooo(n)
Ho Sakaa Na Kuch Magar Sham Ban Gayee Sahar
Vo Uthi Lehar Ke Dheh Gaye Kile Bikhar Bikar
Aur Hum Dare Dare Neer Nain Mein Bhare
Aoudh Kar Kafan Pade Majar Dekhte Rahe
Carvaa(n) Gujar Gayaa, Gubbaar Dekhte Rahe.
Gubbar Dekhte Rahe
Gubbar Dekhte Rahe...