Na janay kion mera kajal
jab bhi dalo ankhoon main
ab aksar phail jata hai
main roi tou nahi hoon

Tum tou jaantay hi ho in dinoon
Buhat hi thand hoti hai
tab hi hai surkh meri naak
main roi tou nahi hoon

kaha tou hai keh yunhi bas
bheega hai anchal ka kona
choro tum fikar mat karo
main roii tou nahi hoon

nahi udass kab hoon main
ziyada kaam hai bas
tahakawat tou ho hi jaati hai
main roii tou nahi hoon

Bahaar aii hai , woh ab bhi
nahi aata tou na aye
ab uski yaad main dekho
main roii tou nahi hoon

Bata daynaa usko jaa kar
koi khush fehmi na palay
Waisey hi surkh hain akhain
main roi tou nahi hoon (n/m)

Apni Palkon Mai Saja Rakha Hai Jin Khuwabo Ko,

Apnay Hahton Say Khud Inhein Mita Jaon ga

Na Jane Kyon Mujh Ko Log
Pathar Utha Utha Marte Hain
Un Se Bas Itna Kahti Hoon
Main Pagal to Nahi Hoon

Tum to Jaante Hi Ho Ke Main
Bahki Bahki Baatein Karti Hoon
Aur Tum Sun Kar kyon Hanste Ho
Main Pagal to Nahi Hoon

Kaha To Hai Ke Yunhi Bus
Patha Huva Aanchal Ka Kona
Khud Is Ko Parha to Nahi Hai
Main Pagal To Nahi Hoon

Nahi Zakhmi Kab Hoon Main
Bus Thora Hi Khoon Nikla Hai
Yunhi Chut Se Gir Gayi Thi Bus
Main Pagal to Nahi Hoon

Sare Log Yeah Kahte Hain
Main Pagal Khanne Main Dakhil Hoon
Magar Tum To Yeah Jante Ho
Main Pagal To Nahi Hoon

Bata Dena Us Ko Ja Kar
Koi Khush Fehmi na Palay
Us Ko Kacha Chuba Jaon Gi
Main Pagal To nahi Hoon


Perody Made By QHabibi In 5 Minutes



QHabibi