Kaun Apna Kaun Paraya

kaun apna.....kaun paraya

kaun apna kaun paraya - 2
duniya ka yeh bhed abhi tak, koi samajh nahin paya
kaun apna kaun paraya - 2

jeewan ki naiyya mein sabhi hain rahi ek manzil ke
inhiN mein man ke meet milenge, inhiN mein dushman dil ke
kisi ke dil mein bhari hai nafrat, kisi mein pyar ki maya
kaun apna kaun paraya
kaun apna kaun paraya

bicchade log bhi mil jaate hain kabhi kabhi jeewan mein
khushi ki leharen bhi uthti hain kisi ke dukhiya man mein
kabhi kisi ne khoya jag mein, kabhi kisi ne paya
kaun apna kaun paraya
kaun apna kaun paraya

koi moorakh ban ke begana apnoN ko thukraye
koi kisi ki khushi ke karan raste se hat jaaye
koi kinara chhod ke dhoonde, toofanon ka saya

kaun apna kaun paraya
kaun apna kaun paraya

- Mohd Rafi sahab