Aankhon men jal rahaa hai kyuun bujhataa nahin dhuuan



aankhon mein jal rahaa hai kyuun bujhataa nahin dhuuan
uThataa to hai ghaTaa saa barasataa nahin dhuaan

chuulhaa nahin jalaaye yaa basti hi jal ga_ii
kuchh roz ho gaye hain ab uThataa nahin dhuaan

aankhon se ponchane se lagaa aanch kaa pataa
yuun cheharaa pher lene se chhupata nahin dhuaan

aankhon se aansuon ke maraasim puraane hain
mehamaan ye ghar men aayen to chubhataa nahin dhuaan

Aadatan tum ne kar diye vaade



aadatan tum ne kar diye vaade
aadatan ham ne aitabaar kiyaa

terii raaho.n me.n baarahaa ruk kar
ham ne apanaa hii intazaar kiiyaa

ab naa maa.Nge.nge zindagii yaa rab
ye gunaah ham ne ek baar kiyaa

Jaise ehasaan utaarataa hai ko_ii


jaise ehasaan utaarataa hai ko_ii

aa_iinaa dekh ke tasallii hu_ii
ham ko is ghar me.n jaanataa hai ko_ii

pak gayaa hai shazar pe phal shayaad
phir se patthar uchhalataa hai ko_ii

phir nazar me.n lahuu ke chhii.nTe hai.n
tum ko shaayad mughaalataa hai ko_ii

der se guu.Njate.n hai.n sannaaTe
jaise ham ko pukaarataa hai ko_ii

Mai.n apane ghar me.n hii ajanabii ho gayaa huu.N aa kar



mai.n apane ghar me.n hii ajanabii ho gayaa huu.N aa kar
mujhe yahaa.N dekhakar merii ruuh Dar gaii hai
saham ke sab aarazuue.N kono.n me.n jaa chhupii hai.n
lave.n bujhaa dii hai.napane cheharo.n kii, hasarato.n ne
ki shauq pahachanataa hii nahii.n
muraade.n dahaliiz hii pe sar rakh ke mar gaii hai.n

mai.n kis vatan kii talaash me.n yuu.N chalaa thaa ghar se
ki apane ghar me.n bhii ajanabii ho gayaa huu.N aa kar

Nazm ulajhii huii hai siine me.n


nazm ulajhii huii hai siine me.n
misare aTake hue hai.n hoTho.n par
u.Date-phirate hai.n titaliyo.n kii tarah
lafz kaaGaz pe baiThate hii nahii.n
kab se baiThaa huu.N mai.n jaanam
saade kaaGaz pe likhake naam teraa

bas teraa naam hii mukammal hai
isase bahatar bhii nazm kyaa hogii

Saa.Ns lenaa bhii kaisii aadat hai




saa.Ns lenaa bhii kaisii aadat hai
jiiye jaanaa bhii kyaa ravaayat hai
koii aahaT nahii.n badan me.n kahii.n
koii saayaa nahii.n hai aa.Nkho.n me.n
paa.Nv behis hai.n, chalate jaate hai.n
ik safar hai jo bahataa rahataa hai
kitane baraso.n se, kitanii sadiyo.n se
jiye jaate hai.n, jiye jaate hai.n

aadate.n bhii ajiib hotii hai.n

Vo kaaT ke puraze u.Daa rahaa thaa




vo kaaT ke puraze u.Daa rahaa thaa
havaao.n kaa ruup dikhaa rahaa thaa

kuchh aur bhii ho gayaa numaayaa.N
mai.n apanaa likhaa miTaa rahaa thaa

usii kaa imaan badal gayaa hai
kabhii jo meraa Khudaa rahaa thaa

vo ek din ek ajanabii ko
merii kahaanii sunaa rahaa thaa

vo umr kar rahaa thaa merii
mai.n saal apane ba.Dhaa rahaa thaa

portrait of Mina Kumari by Gulzar



Sehtoot ke shaakh pe baithee "Meena"
buntee hai resham ke dhaage
lamha lamha khol rahi hai
patta patta been rahi hai
ek ek saans bajaa kar sunti hai saudaayan
ek ek saan ko khol ke
apne tan par liptaaye jaati hai
apne he taagon kee quaidi
resham kee yeh shayar ek din
apne he taaagon mein ghut kar mar jaayegi...

Phoolon Ki Tarah (Rudaali)


फुलों की तरह लब खोल कभी
ख़ूश्बू की ज़ुबा मे बोल कभी
अलफ़ाज़ परखता रेहता है
आवाज़ हमारी तोल कभी
अन्मोल नहीं लेकिन फिर भी
पूछो तो मुफ़्त का मोल कभी
खिड़की में कटी है सब राते
कुछ चौर्स थीं, कुछ गोल कभी
ये दिल भी दोस्त ज़मीं की तरह
हो जाता है डांवां डोल कभी

yeh din bhi beet gaya
beet jaayengi sadiyaan yunhi
reh jaayega sirf...
...ek ehsaas...
...khwaab mein beetata ek sach..
..sach se guzerta ek khwaab..
aankhon mein saja.......dilo mein likha
nazm sa ek naam "Gulzar"

Barf se thandi aag ki boondein


Tan pe lagti
kaanch ki boondein..
..mann pe lage to jaane

barf se thandi
aag ki boondein..
...dard chuge to jaane

tan pe lagti
kaanch ki boondein..
..mann pe lage to jaane..

Lal sunehri
chingaari si
belein jhoolti rehti hain..
baahar gulmohar
ki lapte..
..dil mein uge to jaane

Tan pe lagti
kaanch ki boondein..
..mann pe lage to jaane


baarish lambe..
..lambe haathon se
jab aakar..chhooti hai
yeh lohaan si..saansein hain jo
yeh lohaan si..saansein thodi..
....der rukein to jaane

Tan pe lagti
kaanch ki boondein..

Hazaar raahein mud ke dekhin


Song: hazaar raahein mud ke dekhin
Artist: Kishore Kumar
Movie: Thodisi Bewafai (1980)
Directed By:
Music By: Khaiyaam

hajaar raahe mud ke dekhee, kahee se koee sadaa naa aayee
badee wafaa se nibhaayee tum ne, humaaree thodee see bewafaee

jahaa se tum mod mud gaye the, ye mod ab bhee wahee pade hai
hum apane pairon mein jaane kitane, bhanwar lapete huye khade hai

kahee kisee roz yoo bhee hotaa, humaaree haalat tumhaaree hotee
jo raat hum ne gujaaree mar ke, wo raat tum ne gujaaree hotee

tumhe ye jid thee ke hum bulaate, humei ye ummeed wo pukaare
hai naam hothhon pe ab bhee lekin aawaaj mein pad gayee daraare

Labon se choom lo


Song: Labon se choom lo
Artist: Sriradha Banerjee
Movie: Aastha (1996)
Directed By:
Music By: Sharang Dev

Labon Se Choom Lo, Aankhon Se Thaam Lo Mujhko
Tumhiin Se Janmoon To Shayad Mujhe Panaah Miley

[Gulzar recite:
Do Saundhey-Saundhey Se Jism Jis Waqt
Ek Muthhi Mein So Rahe They
Bata To Us Waqt Main Kahaan Tha
Bata To Us Waqt Too Kahaan Thi]

Main Aarzoo Ki Tapish Mein Pigal Rahi Thi Kahin
Tumhare Jism Se Hokar Nikal Rahi Thi Kahin
Bade Haseen They Jo Raah Mein Gunaah Miley
Tumhiin Se Janmoon To Shayad ………

[Gulzar recite:
Tumhari Lau Ko Pakadke Jalney Ki Aarzoo Mein
Jab Apne Hi Aap Se Lipat Ke Sulag Raha Tha
Bata To Us Waqt Main Kahaan Tha
Bata To Us Waqt Too Kahaan Thi]

Tumhari Aankhon Ke Sahil Se Door Door Kahin
Main Dhoondati Thi Miley Khushboo.on Ka Noor Kahin
Vahiin Ruki Hoon Jahaan Se Tumhari Raah Miley
Tumhiin Se Janmoon To Shayad ………

Sili hawa Choo Gayee


Song: Sili hawa Choo Gayee
Artist: Lata
Movie: Libaas
Directed By:
Music By:

Sili hawa chhoo gayi, sila badan chhil gaya
Neeli nadi ke pare, pila sa chaand khil gaya

Tumse mili jo zindagi, humne abhi boyi nahin
Tere siva koi na tha, tere siva koi nahin

Jaane kahan kaise shaher leke chala yeh dil mujhe
Tere bagair din na jala, tere bagair shab na bujhe

Jitne bhi tai karte gaye, badhte gaye yeh faasle
Milon se din chhod aaye, saalon se raat leke chale

Sili hawa chhoo gayi, sila badan chhil gaya
Neeli nadi ke pare, pila sa chaand khil gaya

Chhod aaye hum


Song: Chhod aaye hum
Artist: HARIHARAN, K.K., SURESH WADKAR AND VINOD SEHGAL
Movie: Maachis
Directed By: Gulzar
Music By: Vishal Bharadwaj

Chhod Aaye Hum Vo Galiyaan
Jahan Tere Pairon Ke Kawal Gira Karte Thay
Hanse To Do Gaalon Mein Bhanvar Pada Karte Thay
Teri Kamar Ke Bal Pe Nadi Muda Karti Thi
Hansi Teri Sun Sunke Phasal Paka Karti Thi
Chhod Aaye Hum Vo Galiyaan ..

O Jahan Teri Edi Se Dhoop Uda Karti Thi
Suna Hai Us Chaukhat Pe Ab Shaam Raha Karti Hai
Laton Se Uljhi Lipti Ek Raat Hua Karti Thi
Kabhi Kabhi Takiya Pe Vo Bhi Mila Karti Thi
Chhod Aaye Hum Vo Galiyaan ..

Dil Dard Ka Tukda Hai Patthar Ki Dali Si Hai
Ek Andha Kuan Hai Ya Ak Band Gali Si Hai
Ek Chhota Sa Lamha Hai Jo Khatm Nahin Hota
Main Laakh Jalata Hoon Ye Bhasm Nahin Hota
Ye Bhasm Nahin Hota

Dil hoom hoom kare


Song: Dil hoom hoom kare
Artist: Lata
Movie: Rudali
Directed By:
Music By: Bhupen Hazarika

Dil hu hu kare,ghabraaye,
Ghan gham gham kare,garjaaye,
Ek boondh kabhi paani ki,
More ankhiyon se barsaaye…

Teri jodi dharu,sab sukhi path ho aaye,
Tera chuaa laage,meri sukhi daal hariyaaye,
Dil hu hu kare,ghabraaye…

Jis tan ko chuaa tuune,uss tan ko chupaauu,
Jis man ko laage naina,woh kisko dikhaauu,
O more chandrama,teri chandni ang jalaaye,
Oonchi teri ataari,maine pankh liye katvaaye…

Yara seeli seeli


Song: Yara seeli seeli
Artist: Lata
Movie: Lekin (1991)
Directed By:
Music By: Hridayanath Mangeshka

Yaara seeli seeli birhan kii raath ka jalna
Yaara seeli seeli …yaaraa seelii seeli
Yaaraa seeli seeli..dholaa seeli seeli

Tooti hui choodiyon se jodun yeh kalhayi mem
Pichle gali mein jaane kyaa chod aayi mem
Beethi hui galiyon se…beethi hui galiyon se
Phir se guzarnaa …(Yaaraa)

Pairon mein na saaya koi sar pe na chaayi re
Mere saath jaye ram meri parchaayi re
Baahar ujaalaa hai…baahar ujaala hai
Andar beeraanaa (yaaraa)

Aye zindagi gale


Song: Aye zindagi gale
Artist: Suresh Wadkar
Movie: Sadma
Directed By:
Music By: Illayaraja

Aye zindagi gale laga le,
Humne bhi tere har ek gham ko,
Gale se lagaya hain…hain na!!
Ai zindagii gale lagaa le….

Humne bahane se,chupke zamaane se,
Palkon ke parde mein ghar kar liya,
Tera sahara mil gaya hain zindagi
lalalalala…..
Tera sahara mil gaya….
Ai zindagii gale lagaa le….

Chota sa saaya tha,ankhon mein aaya tha,
Humne do boondhon se man bhar liya,
Humko kinara mil gaya hain zindagi,
Humko kinara mil gaya hain zindagi…
Ai zindagii gale lagaa le….

Aanewala pal



Song: Aanewala pal
Artist: Kishor Kumar
Movie: Golmaal (1979)
Directed By:
Music By: Rahuldev Burman

aanewaalaa pal jaanewaalaa hai
ho sake to is mein jindagee bitaa do
pal jo ye jaanewaalaa hai

yek baar yoo milee, maasoom see kalee
khilate huye kahaa, khushabaash mein chalee
dekhaa to yahee hai, dhoondhaa to naheen hai
pal jo ye jaanewaalaa hai

yek baar wakt se, lamahaa giraa kahee
wahaa daasataa milee, lamahaa kahee nahee
thodaasaa hasaa ke, thodaasaa rulaa ke
pal ye bhee jaanewaalaa hai

Aapki aankhon me kuchh




Song: Aapki aankhon me kuchh
Artist: Kishore Kumar, Lata Mangeshkar
Movie: Ghar (1978)
Directed By: Manik Chatterjee
Music By: Rahuldev Burman

Aap Ki Aankhon Mein Kuch Mehke Hue Se Raaz Hai (2)
Aap Se Bhi Khubsoorat Aap Ke Andaaz Hai
Aap Ki Aankhon Mein Kuch Mehke Hue Se Raaz Hai

Lab Hile To Mogare Ke Phool Khilte Hai Kahin (2)
Aap Ki Aankhon Mein Kya Saahil Bhi Milte Hai Kahin
Aap Ki Khaamoshiyaan Bhi Aap Ki Aawaaz Hai

Aap Ki Aankhon Mein Kuch Mehke Hue Se Raaz Hai
Aap Se Bhi Khubsoorat Aap Ke Andaaz Hai
Aap Ki Aankhon Mein Kuch Mehke Hue Se Raaz Hai

Aap Ki Baaton Mein Phir Koyi Sharaarat To Nahin (2)
Bevajeh Taareef Karna Aap Ki Aadat To Nahin
Aap Ki Badmaashiyon Ke Yeh Naye Andaaz Hai

Aap Ki Aankhon Mein Kuch Mehke Hue Se Raaz Hai
Ho Aap Se Bhi Khubsoorat Aap Ke Andaaz Hai
Aap Ki Aankhon Mein Kuch Mehke Hue Se Raaz Hai

Mujhe jaan naa kaho meri jaa



Song: Mujhe jaan naa kaho meri jaa
Artist: Geeta Dutt
Movie: Anubhav (1971)
Directed By: Basu Bhattacharya
Music By: Kanu Roy

meri jaan, mujhe jaan na kaho meri jaan
meri jaan, meri jaan
mujhe jaan na kaho meri jaan
meri jaan, meri jaan

(jaan na kaho a.njaan mujhe
jaan kahaaN rahati hai sadaa ) - 2
a.njaane, kyaa jaane
jaan ke jaae kaun bhalaa
meri jaan
mujhe jaan na kaho meri jaan …

suukhe saavan baras gae

do boonde na barasein
in bhiigii palako.n se
meri jaan
mujhe jaan na kaho meri jaan …

ho.nTh jhuke jab ho.nTho.n par

Aao Phir Nazm Kahen
Phir Kisi Dard Ko Sahla Ke Suja Le Ankhen
Phir Kisi Dukhti Rag Se Chhua De Nashtar
Ya Kisi Bhooli Huee Raah Pe Mudkar
Ek Baar Naam Lekar Kisi Hamnam Ko Awaz Hi De Le
Phir Koi Nazm Kahen

Roz sahil pe khade hoke yahi dekha hai
Shaam ka pighla hua surkh-sunhari rogan
Roz matiyale-se paani mein yeh ghul jaata hai
Roz sahil pe khade hoke yahi socha hai
Mein jo pighali huee rangeen shafaq ka rogan
Ponchh loo haathon pe

Aur chpuke se ik baar kabhi
Tere gulnaar se rukhsaaron pe chhap se mal doon
Shaam ka pighala hua surkh-sunhari rogan

Subah subah ik khwab ki dastak par darwaza khola, dekha
Sarhad ke us paar se kuchh mehmaan aaye hain
Aankhon se maanoos the saarey

Chehre saarey sune sunaaye
Paanv dhoye, Haath dhulaye
Aangan mein aasan lagwaaye...
Aur tannoor pe makki ke kuchh mote mote rot pakaye
Potli mein mehmaan mere
Pichhale saalon ki faslon ka gud laaye the

Aankh khuli to dekha ghar mein koi nahin tha
Haath lagakar dekha to tannoor abhi tak bujha nahin tha
Aur hothon pe meethe gud ka jaayka ab tak chipak raha tha

Khwab tha shayad!
Khwab hi hoga! !
Sarhad par kal raat, suna hai, chali thi goli
Sarhad par kal raat, suna hai
Kuchh khwaabon ka khoon hua hai

Raat bhar sard hawa chalti rahi
Raat bha hamne alaav taapa
Maine maazi se kai khushk see shaakhien kaati
Tumne bhi gujre hue lamhon ke patte tode
Meine jebon se nikali sabhi sukhi nazme
Tumne bhi haathon se murjhaaye hue khat khole
Apnee in aankhon se meine kai maanze tode
Aur haathon se kai baasi lakeeren phenki
Tumne palkon pe nami sookh gayee thee, so gira di

Raat bhar jo bhi mila ugte badan par humko
Kaat ke daal diya jalte alaawon main use
Raat bhar phoonkon se har lau ko jagaye rakha
Aur do zismon ke indhan ko jalaye rakha
Raat bhar bujhte hue rishte ko taapa humne

Mod pe dekha hai wo boodha-sa ek ped kabhi ?
Mera waqif hai, bahut salon se mein use jaanata hoon

Jab mein chhota tha to ik aam udaane ke liye
Parli deewar se kandhon pe chadha tha uske
Jaane dukhti huee kis shaakh se jaa paanv lagaa
Dhaad se phenk diya tha muje neeche usne
Meine khunnas main bahut phenke the pathar us par

Meri shaadi pe mujhe yaad hai shaakhein dekar
Meri vedi ka hawan garm kiya tha usne
Aur jab haamla thi 'Biba' to dopahar main har din
Meri biwi ki taraf kairiyan phenki thi isi ne
Waqt ke saath sabhi phool, sabhi patti gaye

Tab bhi jal jaata tha jab Munne se kehti 'Biba'
'Haan,usi ped se aaya hai tu, Ped ka phal hai'
Ab bhi jal jaata hoon. jab mod se gujarte mein kabhi
Khaanskar kehta hai, 'Kyo, Sar ke sabhi baal gaye?'

'Subah se kaat rahe hain woh Kameti wale
Mod tak jaane ki himmat nahin hoti mujhko'

Teri Ankhon Se Hi Khulte Hain Saveron Ke Ufaq
Teri Aankhon Se Hi Band Hoti Hai Ye Seep Ki Raat
Teri Aankhen Hain Ya Sajde Main Hai Masoom Namazi
Palken Khulti Hain to Youn Goonj Ke Uthati Hai Nazar
Jaise Mandir Se Jaras Ki Chale Namnaak Hawaa
Aur Jhukti Hain To Bas Jaise Azaan Khatm Huee Ho
Teri Ankhen, Teri Thahri Huee Gamgeen See Ankhen
Teri Ankhon Se Hi Takhleeq Huee Hai Sachchi
Teri Ankhon Se Hi Takhleeq Huee Hai Ye Hayat

Haath chhuuTe bhii to rishte nahii.n chho.Daa karate




haath chhuuTe bhii to rishte nahii.n chho.Daa karate
vaqt kii shaaKh se lamhe.n nahii.n to.Daa karate

jis kii aavaaz me.n silvat ho nigaaho.n me.n shikan
aisii tasviir ke tuka.De nahii.n jo.Daa karate

shahad jiine kaa milaa karataa hai tho.Daa tho.Daa
jaane vaalo.n ke liye dil nahii.n tho.Daa karate

lag ke saahil se jo bahataa hai use bahane do
aisii dariyaa kaa kabhii ruKh nahii.n mo.Daa karate
vaqt kii shaaKh se lamhe.n nahii.n to.Daa karate

jis kii aavaaz me.n silvat ho nigaaho.n me.n shikan
aisii tasviir ke tuka.De nahii.n jo.Daa karate

shahad jiine kaa milaa karataa hai tho.Daa tho.Daa
jaane vaalo.n ke liye dil nahii.n tho.Daa karate

lag ke saahil se jo bahataa hai use bahane do
aisii dariyaa kaa kabhii ruKh nahii.n mo.Daa karate

Chalo naa bhaTake



chalo naa bhaTake
lafa.nge kuucho.n me.n
luchchii galiyo.n ke
chowk dekhe.n
sunaa hai vo log
chuus kar jin ko vaqt ne
raaste.n me.n phe.nkaa tha
sab yahii.n aake bas gaye hai.n
yeh chhilake hai.n zindagii ke
in kaa ark nikaalo
ki zahar in kaa
tumhare jismo.n me.n
zahar palate hai.n
aur jitane vo maar degaa
chalo naa bhaTake
lafa.nge kuuch0.n mei.n

Din kuchh aise guzaarataa hai ko_ii



din kuchh aise guzaarataa hai ko_ii
jaise ehasaan utaarataa hai ko_ii

aa_iinaa dekh ke tasallii hu_ii
ham ko is ghar me.n jaanataa hai ko_ii

pak gayaa hai shazar pe phal shayaad
phir se patthar uchhalataa hai ko_ii

phir nazar me.n lahuu ke chhii.nTe hai.n
tum ko shaayad mughaalataa hai ko_ii

der se guu.Njate.n hai.n sannaaTe
jaise ham ko pukaarataa hai ko_ii

Mai.n apane ghar me.n hii ajanabii ho gayaa huu.N aa kar




mai.n apane ghar me.n hii ajanabii ho gayaa huu.N aa kar
mujhe yahaa.N dekhakar merii ruuh Dar gaii hai
saham ke sab aarazuue.N kono.n me.n jaa chhupii hai.n
lave.n bujhaa dii hai.napane cheharo.n kii, hasarato.n ne
ki shauq pahachanataa hii nahii.n
muraade.n dahaliiz hii pe sar rakh ke mar gaii hai.n


mai.n kis vatan kii talaash me.n yuu.N chalaa thaa ghar se
ki apane ghar me.n bhii ajanabii ho gayaa huu.N aa kar

Qadam usii mo.D par jame hai.n


qadam usii mo.D par jame hai.n
nazar sameTe hue kha.Daa huu.N
junuu.N ye majabuur kar rahaa hai palaT ke dekhuu.N
Khudii ye kahatii hai mo.D mu.D jaa
agarche ehasaas kah rahaa hai
khule dariiche ke piichhe do aa.Nkhe.n jhaa.Nkatii hai.n
abhii mere intazaar me.n vo bhii jaagatii hai
kahii.n to us ke goshaa-e-dil me.n dard hogaa
use ye zid hai ki mai.n pukaaruu.N
mujhe taqaazaa hai vo bulaa le
qadam usii mo.D par jame hai.n
nazar samete hue kha.Daa huu.N

[Khudii = self respect; dariichaa = window]
[goshaa = corner; taqaazaa = demand]

Saa.Ns lenaa bhii kaisii aadat hai




saa.Ns lenaa bhii kaisii aadat hai
jiiye jaanaa bhii kyaa ravaayat hai
koii aahaT nahii.n badan me.n kahii.n
koii saayaa nahii.n hai aa.Nkho.n me.n
paa.Nv behis hai.n, chalate jaate hai.n
ik safar hai jo bahataa rahataa hai
kitane baraso.n se, kitanii sadiyo.n se
jiye jaate hai.n, jiye jaate hai.n


aadate.n bhii ajiib hotii hai.n

Shaam se aa.Nkh me.n namii sii hai



shaam se aa.Nkh me.n namii sii hai
aaj phir aap kii kamii sii hai

dafn kar do hame.n ki saa.Ns mile
nabz kuchh der se thamii sii hai

vaqt rahataa nahii.n kahii.n chhupakar
is kii aadat bhii aadamii sii hai

ko_ii rishtaa nahii.n rahaa phir bhii
ek tasliim laazamii sii hai

Sparsh



Quran haatho.n me.n leke naabiinaa ek namaazii
labo.n pe rakhataa thaa
dono.n aa.Nkho.n se chuumataa thaa
jhukaake peshaanii yuu.N aqiidat se chhuu rahaa thaa
jo aayat.n pa.D nahii.n sakaa
un ke lams mahasuus kar rahaa ho


mai.n hairaa.N-hairaa.N guzar gayaa thaa
mai.n hairaa.N hairaa.N Thahar gayaa huu.N


tumhaare haatho.n ko chuum kar
chhuu ke apanii aa.Nkho.n se aaj mai.n ne
jo aayate.n pa.D nahii.n sakaa
un ke lams mahasuus kar liye hai.n

Vo kaaT ke puraze u.Daa rahaa thaa



vo kaaT ke puraze u.Daa rahaa thaa
havaao.n kaa ruup dikhaa rahaa thaa

kuchh aur bhii ho gayaa numaayaa.N
mai.n apanaa likhaa miTaa rahaa thaa

usii kaa imaan badal gayaa hai
kabhii jo meraa Khudaa rahaa thaa

vo ek din ek ajanabii ko
merii kahaanii sunaa rahaa thaa

vo umr kar rahaa thaa merii
mai.n saal apane ba.Dhaa rahaa thaa

Zindagii yuu.N hu_ii basar tanhaa



zindagii yuu.N hu_ii basar tanhaa
qaafilaa saath aur safar tanhaa

apane saaye se chau.Nk jaate hai.n
umr guzarii hai is qadar tanhaaa

raat bhar bolate hai.n sannaaTe
raat kaaTe ko_ii kidhar tanhaa

din guzarataa nahii.n hai logo.n me.n
raat hotii nahii.n basar tanhaa

hamane daravaze tak to dekhaa thaa
phir na jaane gaye kidhar tanhaa

ईंधन

छोटे थे, माँ उपले थापा करती थी
हम उपलों पर शक्लें गूँधा करते थे
आँख लगाकर - कान बनाकर
नाक सजाकर -
पगड़ी वाला, टोपी वाला
मेरा उपला -
तेरा उपला -
अपने-अपने जाने-पहचाने नामों से
उपले थापा करते थे

हँसता-खेलता सूरज रोज़ सवेरे आकर
गोबर के उपलों पे खेला करता था
रात को आँगन में जब चूल्हा जलता था
हम सारे चूल्हा घेर के बैठे रहते थे
किस उपले की बारी आयी
किसका उपला राख हुआ
वो पंडित था -
इक मुन्ना था -
इक दशरथ था -
बरसों बाद - मैं
श्मशान में बैठा सोच रहा हूँ
आज की रात इस वक्त के जलते चूल्हे में
इक दोस्त का उपला और गया!

Thank you so much, HarshBhatt Ji, a few of them are new to me. Manay thanks.

Pleasure is all mine, will add more as soon as i find my copy of Pukhraj