Kabhi pehle dekha nahi ye samaa
Ye mein bhoole se aa gaya hoon kahan

Yahan mein ajnabi hoon
Mein jo hoon bass wohi hoon
Mein jo hoon bass wohi hoon
Yahan mein ajnabi hoon

Kahan shaam-o-saher ye, kahan din raat mere
Bohat ruswa huwe hain, yahan jazbaat mere
Nayi tehzeeb hai ye, naya hai ye zamana
Magar mein aadmi hoon, wohi sadiyon purana
Mein kya jaanun ye baatein, zara insaaf karna
Meri ghustaqiyon ko khudara maaf karna
Yahan mein ajnabi hoon

Teri baahon mein dekhoon, sanam ghairon ki baahein
Mein laonga kahan se, bhala aisi nigahein
Ye koi raks hoga, koi dastoor hoga
Mujhe dastoor aisa, kahan manzoor hoga
Bhala kaise ye mera, lahoo hojaye paani
Mein kaise bhool jaon mein hoon Hindustani
Yahan mein ajnabi hoon

Mujhe bhi hai shikayat, tujhe bhi toh gila hai
Yehi shikwe hamari, mohabbat ka sila hai
Kabhi maghrib se mashrik, mila hai jo milega
Jahan ka phool hai jo, wahin pe wo khilega
Tere oonche mahal mein, nahi mera guzara
Mujhe yaad aa raha hai, wo chhota sa shikara
Yahan mein ajnabi hoon
Mein jo hoon bass wohi hoon
Mein jo hoon bass wohi hoon
Yahan mein ajnabi hoon

http://www.youtube.com/watch?v=Axbs2SloI3o