Silsilay Tod Gaya Woh Sabhi Jaate Jaate
Varna Itne Toh Marasim The Ke, Aate Jaate

Itna Aasaan Tha Tere Hijr Mein, Marna Jaana
Phir Bhi Ek Umr Lagi Jaan Se, Jaate Jaate
Silsilay Tod Gaya Woh Sabhi Jaate Jaate

Shikwa E Zulmat E Shabse Toh Kahin Behtar Tha
Apne Hisse Ki Koi Shamma, Jalate Jaate
Silsilay Tod Gaya Woh Sabhi Jaate Jaate

Uski Woh Jaane, Usse Pa Se Wafa Tha Ke Na Tha
Tum Faraaz Apni Taraf Se Toh Nibhaate Jaate
Silsilay Tod Gaya Woh Sabhi Jaate Jaate
Varna Itne Toh Marasim The Ke, Aate Jaate

Silsilay Toh Gaya Woh Sabhi Jaate Jaate

Na Udaa Yoon Thokron Se, Meri Khaak E Khabr Zaalim
Yehi Ek Reh Gayi Hai, Meri Pyaar Ki Nishaani

Faasle Aise Bhi Honge, Ye Kabhi Socha Na Tha
Saamne Baitha Tha Mere, Aur Woh Mera Na Tha

Woh Ke Khusboo Ki Tarha, Phaila Tha Mere Chaarsoo
Main Usse Mehsoos Kar Sakta Tha, Chhu Sakta Na Tha
Faasle Aise Bhi Honge, Ye Kabhi Socha Na Tha
Saamne Baitha Tha Mere, Aur Woh Mera Na Tha

Raat Bhar Pichli Hi Aahat Kaan Mein Aati Rahi
Jhaank Kar Dekha Gali Mein, Koi Bhi Aaya Na Tha
Faasle Aise Bhi Honge, Ye Kabhi Socha Na Tha
Saamne Baitha Tha Mere, Aur Woh Mera Na Tha

Yaad Karke Aur Bhi Taqleef Hoti Thi Adeem
Bhool Jaane Ke Siva Ab Koi Chaara Na Tha
Faasle Aise Bhi Honge, Ye Kabhi Socha Na Tha
Saamne Baitha Tha Mere, Aur Woh Mera Na Tha

Awesome piece by Faraz Sahab!