Pyaarelal Ji Makes A Big Confession On Vividhbharati, !! Options

[kcp]

As spoken on the show "Ujaale Unki Yaadon Ke" ( Episode 3 )..........maybe this reveals the nature of some "suspicious" awards, all these years !!!

Regds

KCP
Relevant excerpts given below
------------------------------------------------------------------------------------------------

KS: Pyare-ji, pehli film ke liye kitne paise mile the aapko?

PL: mere Khayaal mein shaayad 4000 mila hoga lekin jo 'amount' hamne
liya, 'for the first time', Dosti mein, 10000 hamne liya.

KS: 10,000 us samay bahut baDi rakam hoti thi.

PL: aur 10,000 hamne liya tha aur Filmfare ward ke liye 65,000 rupaya
hamne 'loan' liya tha, Filmfare mein woh bharne ke liye. Filmfare
ke 'form' bharne ke liye 65,000 rupay hamne lagaaye.

KS: us samay kya paise dene paDte the 'award' ke liye?

PL: naheen kya tha ki Filmfare ki ek 'copy' khareedni paDti thi,
usmein ek 'form' hota tha, usmein aapko 'Best Music' ke andar apna
naam likhna paDtaa tha, us zamaane mein yeh hota tha, woh aaj bhi
chal raha hai...

KS: to aap se pehle bhi logon ne yahi kiya tha?

PL: bilkul, kyunki dekhiye, ismein koi buri baat naheen hai,
yeh 'business' hai, jab tak aap kuchh karenge naheen to 'business'
chalega naheen. aap bahut sat chalenge to naheen chal paayenge. to
hamne Filmfare ki 'copy' lekar 'hero, heroine, director', sab khareed
liye, 'amount' to mujhe yaad naheen lekin laakh do laakh rupay hogaa.
to hamne, maan leejiye 25000 Filmfare ki 'copies' kahreedi, usmein
har 'copy' mein ek 'form' hai, to sab mein Best Music Director mein
apna naam likhke bhej diya, waise hi 'hero' ke liye, 'director' ke
liye. to hamne bhi kiya tha aise. to Dosti ke andar 65,000.

KS: lekin us zamaane ke hisaab se to bahut baDi rakam hai yeh.

PL: ab hamko shauk tha, maine kahaa tha Laxmi-ji ko ki 'ismein faayda
kuchh naheen hai'.

------------------------------------------------
Song: jaanewaalon zara muDke dekho mujhe (Dosti)
------------------------------------------------

KS: us saal Filmfare Award ke liye kaun si kaun si filmen Takkar mein
theen?

PL: Woh Kaun Thi, aur Sangam.

KS: yaani ki Madan Mohan, Shankar Jaikishan aur Laxmikant Pyarelal.

PL: aur ham logon ko mila 'award'.