Panchi, Bird of Eternal World Options

[usrafian]

By Shri Rajinder Krishna Sahab...

Chal Ud Jaa Re Panchhii Ki Ab Ye Desh Huaa Begaanaa…

Khatam Hue Din Us Daalii Ke, Jis Par Teraa Baseraa Thaa,
Aaj Yahaan Aur Kal Ho Vahaan Ye, Jogii Vaalaa Pheraa Thaa,
Sadaa Rahaa Hai Is Duniyaa Mein, Kisakaa Aab-O-Daanaa.

Tune Tinakaa-Tinakaa Chun Kar, Nagarii Ek Basaaii,
Baarish Mein Terii Bhiigii Pankhen, Dhuup Mein Garamii Khaayii,
Gam Naa Kar Jo Terii Mehenat, Tere Kaam Naa Aaii,
Achchhaa Hai Kuchh Le Jaane, Se Dekar Hii Kuchh Jaanaa.

Bhuul Jaa Ab Vo Mast Havaa, Vo Udnaa Daalii-Daalii,
Jag Ki Aankh Ka Kaantaa Ban Gai, Chaal Terii Matavaalii,
Kaun Bhalaa Us Baag Ko Puchhe, Ho Naa Jisakaa Maalii,
Terii Qismat Mein Likhaa Hai, Jiite Jii Mar Jaanaa.


Rote Hain Vo Pankh-Pakheruu, Saath Tere Jo Khele,
Jinake Saath Lagaaye Tuune, Aramaanon Ke Mele,
Bhiigii Aankhon Se Hii Unkii, Aaj Duaayen Le Le,
Kisko Pataa Ab Is Nagarii Mein, Kab Ho Teraa Aanaa.

USR