Tumhien Ko Hum Ney Chaha Tha,tumhien Miltey To Achcha Tha. Options

[zashakeel]

Meri ankhoN meiN basay ho tum dua'a bun ker
TumhaiN zindagi bhar yuNhi chahounga aitebaar karo,

Meri her souch mein shamil hai khayaal tumhara,
Isay sansouN mein rachaounga aitebaar karo

Hay laboun per jo merey naam tumhara
Tumhain apna main banaounga aitebaar karo,

Hain kathin rah-e-wafa jana, to kya hota hay?
Dil jala ker main nibhaouNga aitebaar karo

Mujhe tum say hai muhabbat tumhain khaber hai ye
Main isay zindagi banaounga aitebaar karo,

Tumhara hi chehra basa hai meri in aankhoN maiN,
TumhiaN tabeer banaounga aitebaar karo

Tumhain paa ker ho jayegi sehal zindagi meri.
Yehi dua'a bas maNgouNga aitebaar karo,

KhuwabouN main kabhi khayalouN main kehta houN tumse yehi
Main zindagi tum sung sajaoungi aitebaar karo....!!

[zashakeel]

kaise kah duu.N ki mulaaqaat nahii.n hotii hai
roz milate hai.n magar baat nahii.n hotii hai

aap lillaah na dekhaa kare.n aaiinaa kabhii
dil kaa aa jaanaa ba.Dii baat nahii.n hotii hai

chhup ke rotaa huu.N terii yaad me.n duniyaa bhar se
kab merii aa.Nkh se barasaat nahii.n hotii hai

haal-e-dil puuchhane vaale terii duniyaa me.n kabhii
din to hotaa hai magar raat nahii.n hotii hai

jab bhii milate hai.n to kahate hai.n kaise ho "Shakeel"
is se aage to koii baat nahii.n hotii hai

by - Shakeel Badayuni

[zashakeel]

Main Tumharay Saath Hoon Aik Ehsas Ki Tarah...
Mujhay Buss Itna Kehna Hai,Kabhi Main Yaad Aaon Tou...

Kabhi Titli Na Bolay Tou, Aur Jugnu Lout Jaye Tou
Kabhi Jab Dil Bhi Bhar Jaye,Koi Jab Sun Na Paye Tou...
Kabhi Sab Dost Sathi Bhi Jo Tum sey Routh Jain Tou
Kabhi Jab Khud Sey LaD Kar Thakan Sey Choor Ho Jao Tou...
Kabhi Chahtey Hue Bhi Khud Akelay Roo Na Pao Tou

Apni Ankhoun Ko Band Karna Aur Mujhay Awaz Day Dena...
Phir Meray Tasawur Sey Jo Chahey Batien Keh Dena
Jab Main Khud Lout Jaon Tou,Apni Duniya Main Chaley Jana
Magar Buss Itna Kehna Hai K Jab Bhi Dukh Ya Khushiyon Main

Hamien Dil Sey Pukaro Gay,Tou Hamen Tum Saath Paao Gay
Main Her Pal Tumharay Saath Hoon Aik Ehsas Ki Tarah...

[zashakeel]

Aiy Khuda tuney mohabbat yey banai kyoon hai?
Gar banai to mohabbat mey judai kyoon hai?

Romantic love is a lie, a beautiful illusion sketched by literary masters to fool people.

Loyalty, faithfulness, love, devotion, all have a 'price' on them; things have come to such a state that not even the 'poor' want it for free.
The Creator is not to blame.

Noorie

LOVE always has been and always will be a mystery.

[suniel]

Hello Friend This is Suniel An I m very great fan Rafisaab . .

Song : Dilka Suna Sa Tarana
Size:3.03mb
Duration:0:03:21

[zashakeel]

tumhe chaha tha humne bahut,
tumhe ab bhi hum chahte hain,
dilon ki ye kismat bhi tou dekho,
ke milke bhi na mil paate hain.

Jab dil mil gayen,tou kyun kismat nahi mili,
Pyar ke raah par kyun farz deewar bangai,
Kyun ye zindagi kaaton ki safar bangai,
Kyun milke bhi saari khushiyan kahin kho gai.

Bewafa hum nahi hain magar,
Phir bhi bewafai kiya jaa rahe hain,
Socho hum kitne majboor hain,
Ke jo na karna tha wahi kiye jaa rahen hain.

Jeevan adhura mera ,adhuri si hun main,
Kaise bataun tumbin,kaise jee rahi hun main,
Chah ke tujhe, tujhse hu juda ho rahi hun main,
Ke ilzaam-e-bewafai saath le jaa rahi hun main

[zashakeel]

1.Wasl me rang urr gaya mera,
Kya judaaii ko munh dikhaoonga.
:- Meer Taaqi Meer.

2.Gajab hai kehar hai yaaron gham judaaii ka,
Khuda kisiko na dikhaye munh judaaii ka.
:- Nazeer

3.Hua juda na kabhi gham teri judaaii ka,
Raha hamesha meri jaan-e-beqarar ke saath.
:-Zafar.

4.Jabtak na miley they to judaaii ka tha malal,
Ab yeh malal hai ki tamanna nikal gayee.
:-Amir Minaaii.

5.Mujhey tumhari judaaii ka koii ranj nahin,
Mere khayal ki duniya me mere paas ho tum.
:-Saahir.

6.Jabtak na miley they to judaaii thi qayamat,
Ab milkey bichar jaaney ka gham yaad rahega.
:-Suhail Muradabadi.

7.Tu meri zindagi se bhi katra ke chal diya,
Tujhko to meri maut par bhi akhtiyaar tha.
:-Ahmed.

8.Ye ek ped hai aa isse milkar ro lein galey,
Yahan se tere mere raaste badaltey hain.
:-Bashir Badr.

9.Ye kya hai mohabbat me to aisa nahi hota,
Main tujhse juda hoke bhi tanha nahi hota.
:-Saharyar.

10.Kabhi paakey tujhey khona kabhi khokey tujhey pana,
Ye janam janam ka rishta tere mere darmiyaan hai.
Unhi raaston ne jinpar kabhi tum they saath mere,
Mujhey rok rok poocha tera hamsafar kahan hai.
:-Bashir Badr.

[humble_rafi]

CODE

jahan pholon ko khilna tha wahien khiltey to achcha tha,
tumhien ko hum ney chaha tha,tumhien miltey to achcha tha.

koi akar humien poochey tumhien kaisey bhulaya hai,
tumharey khat ko ashkon sey shab-e-gham mien jalaya hai,
hazaron ghum aisey hain agar suntey to achcha tha,
tumhien ko hum ney chaha tha,tumhien miltey to achcha tha.

tumhien jitna bhulaya hai tumhari yaad aye hai,
bahar-e-nou jo ayie hai wahi khushboo layie hai,
tumharey lab meri khatir agar hiltey to achcha tha,
tumhien ko hum ney chaha tha,tumhien miltey to achcha tha,

mila hai lutf bhi hum ko haseen yaadon key jhilmil mien,
kati hai zindagi tum bin, magar itni si hai dil mien,
agar atey to achcha tha agar miltey to achcha tha,
tumhien ko hum ney chaha tha,tumhien miltey to achcha tha,

jahan pholon ko khilna tha wahien khiltey to achcha tha,
tumhien ko hum ney chaha,tumhien miltey to achcha tha.

Subhanallaha! This is really beautiful yet so simple.Rightly said beauty comes with simplicity.

Thanks for sharing zashakeel Sahab.You are a star!

[zashakeel]

Ab aaNsuooN ko aaNkhoN maiN sajaana hoga
chiraagh bhuj gai hhud ko jalaana hoga

Na samjhna K tumse bichadh K khush haiN
hamaiN logoN ki khaatir muskuraana hoga

Phir shaam dhal gai tum aaiay na aaj bhi
dil ko aaj phir umeedooN se behlaana hoga

waada khilaafi kar K muskurate ho aap
dekhna ek din sanam aapko pachtaana hoga

Lahoo se apne kafan pe tera naam likh jaounga
thaam K haath main phool tumko aana hoga

Abhi se na kijiye takaaz-e-masroofiat ka aap
abhi utthna hai janaza kaandha to dena hoga

Muddaton kiya hai tera intezaar aye sanam
UMAR KAT CHUKI AB TO JAANA HOGA