Sachin Chalisa Options

[Chitralekha]

Here it is

[vivekpm]

Amazing...Hats off to the poet/writer...

Cheers,
V i V e K...

[Pradeep]

grrrrrrrrrrrrr again its in Hindi

[Chitralekha]

Here it is. I dunno many names of cricketers so might have made spelling mistakes.

Chitralekha


~~~~~~~~~~~~~~~~~~~~~~~~~~~~~~~~~~~~~~~
Athah Sachin Chalisa

Jay Jay 'Sachin' runo ke saagar
Kinha Bhaarat naam ujaagar
Barsan se kirket mein chhaaye
Duniya bhar mein naam kamaaye

Haath 'bat' aur 'ball' biraaje
Daadhi-moochh french-cut saaje
Mahavir kirket ke sangi
Jhamate pehne shirt tirangi

Bholi soorat lagte pyaare
'Fan' tumhaare tum par waare
Tum bachcho ke lagte mama
Chocolate kha karte drama

Par gambhir wicket par hote
Jaagruk ho kabhi na sote
Aapan 'bat' sambhaaro aape
Bowler sabhi naam se kaanpe

Chhota kad ban badaa dikhaya
Bade bado ka kiya safaya
Akram 'bakram' maange paani
Yaad dila dee sab ki naani

Maar sekade kar dee bhoosi
Chocolage chupke se chusi
'Shoeb' ko tum ghar-ghar patke
Athaarah run jhatse jhatke

Break laga speed ghataa dee
Uss ko tum ne dhool chataa dee
'Hooper' ne 'cook' tumhe banayo
Tumne uss ko paath padhaayo

'Shane Warne' ko mazaa chakhaaya
Sapne mein tumharo dar khaayo
'Bret Lee' 'Courtney' nikat na aave
Sachin veer jab six lagaave

Gend har ek bowler ki dhun lee
'Murali' lage bajaane murali
Chain gaya 'Sakhalin' udaase
Palate Sachin match ke paase

Run ambaar tumhare paasa
Bhaarat ko tumse hi aasaa
Tumhare peechhe peechhe 'Lara'
uss se badhkar tum ne maara

Chautees hundred khoob banaaye
Ardh shatak anaginat jamaaye
Run sahastra baarah ka parbat
Chadh paaye kya koyi Hazrat

Tod record na koi paaya
Jo pahaad sa Sachin banaya
Saath tumhaare Anil, Ganguli
Kabhi na uthati tum par ungli

Hai Sehvag tumharo chela
Khel rahyo hai badhiya khela
Tumhaaro janam ussi ne maana
Bachcha bachcha uss ko jaana

'Cover drive' priya 'shot' tumhaara
'Pedal shot' achaanak maara
'Kapil' 'Gavaskar' kinhi badaayi
Tum mam priya 'Tendulkar' bhai

Tum mein chhavi meri jhalkaave
As kahi 'Bradman' kanth lagaave
Nange sir balla kar maahi
Shatak maar gaye, acharaj naahi

'Master-Blaster' sahi kahaate
'Fan' prashansa kar na aghaate
Kayi 'wicket' bhi tum le leenha
'Spin bowler' acharaj kinha

Bade bado ke wicket ukhaade
Bowling mein bhi jhaande gaade
Aur kriketer chit na dharayi
Sachin se hi 'ball' jo dhunayi

Sankat se tum sadaa bachaayo
Jab jab Bhaarat doobat paayo
Pee ke 'pepsi' chhakke maaro
Cup jeetva kar Bhaarat taaro

Tumse hi hai aas hamaari
Ladkhadaaye na apni paari
Iss Holi par rang jamaa do
Duniya bhar ko Sachin dikha do

Tumse badhkar nahin khiladi
Dauda do Bhaarat ki gaadi
Le kar ke Cup Bhaarat aaye
Dhaak vishva mein phir jam jaaye

Doha-
Kirket ke sankat haram, shatak jamaao veer |
Cup jeete phir India, use gulaal-abeer ||


By Rajesh Arora 'Shalabh'

[Pradeep]

Wow.. too good Thank you sooooooooo much for taking the trouble of translation it.