Visit our other dedicated websites
Asha Bhonsle Geeta Dutt Hamara Forums Hamara Photos Kishore Kumar Mohd Rafi Nice Songs Shreya Ghoshal
Hamara Forums

Welcome Guest ( Log In | Register )

Shairy-e-dard

 
 
Reply to this topicStart new topic
> Shairy-e-dard
desi
post Mar 10 2008, 06:30 AM
Post #1


Regular Member
Group Icon

Group: Members
Posts: 410
Joined: 7-April 05
Member No.: 2012






Aa ker tum khuwaaboon ko mere jagah na do;
Tarapte dil ke dard ki yunh dawa na do;

Duniya ke ghum soonp ker mujhe;
Ab khush rehney ki dua na do;

Dikhla ker mekhaney ka rastaa phir;
Ab-e-zam zam ki sada na do;

Kaantey bhar ker merey daaman mein;
Mujhe pholoon ki si adaa na do;

Mila ker zeher merey ja’am mein;
Mujhe be-wajah maut ki wajah na do;

Gunaah jo sarzad hua hee mujh se;
Pal pal be gunaahi ki saza na do;

Badnaam ker ke uss ki galiyoon mein ab;
Uss ke aashyaaney ka tumhee pata na do;

Mohabbat kertey hein, dikhana nahi jaantey;
Ilzaam magroori ka de ker ye sila na do;

Jala rakha hai ummeedoon ka diya sadyoon se;
Pal bhar ki khalish se isey bujha na do;

Mein ek na cheez sahee kisi ke dil ka hisssa hoon;
Mujhe yunh sufha-e-hasti se mita na do;

Zaib nahi deta mujhe mohabbat ka husool;
Nafrat hee sahee,tark-e-talluq ki magar hawa na do;

Cheen ker mujh se zindagi meri;
Mujhe aur jeeney ki bad’dua na do
_________________
User is offlineProfile CardPM
Go to the top of the page
+Quote Post
desi
post Mar 10 2008, 06:31 AM
Post #2


Regular Member
Group Icon

Group: Members
Posts: 410
Joined: 7-April 05
Member No.: 2012



koi apna nahin banta!!!
labon pay naam rakhnay say
dilon main yaad karnay say
har ik dharkan, har ik tarpan
kisi ke naam karnay say
koi apna nahin banta
tamam umar ki khushiyan
mohabbat ki sabhi ghariyan
kisi ko daan karnay say
ke ...us pay maan karnay say
koi apna nahin banta
woh pehlay piyar ki batain
rafaqat ki sabhi ratain
woh chahat ki sabhi rasmain
mohabbat ki sabhi qasmain
humaisha yaad rakhnay say
koi apna nahin banta
kisi tanha akaili raah guzar par
puranay say kisi boorhay shajar par
patthar say koi dil bananay say
aur
usmain apna or kisi ka naam sajanay say
koi apna nahin banta
ke jab......aankhain hi marr ja'ain
to phir sapna nahin banta
yeh jeewan daaan kar ja'ain
to bhi apna nahin banta
koi apna nahin banta...
koi apna nahin banta.........
_________________

User is offlineProfile CardPM
Go to the top of the page
+Quote Post
desi
post Mar 10 2008, 06:38 AM
Post #3


Regular Member
Group Icon

Group: Members
Posts: 410
Joined: 7-April 05
Member No.: 2012



Us Key Bin Chup Chup Rehna Ab Acha Lagta Hay
Khamooshi Say Ek Dard Ko Sehna Acha Lagta Hay

Jis Hasti Ki Yaad May Aansoo Barastey Hain
Samaney Us Key Kuch Na Kehna Acha Lagta Hay

Mil Kar Us Say Bhichar Na Jaoon Darta Rehta Hoon
Is Liye Bas Dour Hi Rehna Acha Lagta Hay

Jee Chahey Sari Khushyaan Lay Kar Us Ko Deydoon
Us Key Pyaar May Sab Kuch Khoona Acha Lagta Hay

Us Ka Milna Na Milna Qismat Ki Baat Hay
Pal Pal Us Ki Yaad May Roona Acha Lagta Hay

Us Key Bina Sari Khushyaan Azaab lagti Hain
Roo Roo Kar Us Ki Yaad May Soona Acha Lagta Hay

Ham Say Muhabbatoon Ki Numayaish Na Hoo Saki
Bas Etna Jantey Hain Key Tumhain Chahtey Hain Ham
_________________
User is offlineProfile CardPM
Go to the top of the page
+Quote Post
desi
post Mar 10 2008, 06:38 AM
Post #4


Regular Member
Group Icon

Group: Members
Posts: 410
Joined: 7-April 05
Member No.: 2012



zalim tha wo aur zulm ki adat be bahot thi
majboor the hum us se mohabat be bahot thi

us but ke sitam seh ke dikha hi diya hum ne
go apni tabiyat mein bagawat bi bahot thi

wakif hi na tha ramz_e_mohabat se wo warna
dil ke liye thori se inayat be bahot thi

yoon hi nhin mashoor_e_zamana mera qatil
us shaks ko iss fun mein maharat bi bahot thi

kya daur_e_gazal tha ke lahoo dil mein bahot tha
aur dil ko lahoo karney ki fursat be bahot thi

har shaam sunatey the hasinoon ko gazal hum
jub maal bahot tha aur sakhawat be bahot thi

boolawa ke hum hum ajiz ko pashemaan bi bahot hein
kya kijiye kambakht ke shohrat be bahot thi!!
_________________
User is offlineProfile CardPM
Go to the top of the page
+Quote Post
desi
post Mar 10 2008, 06:42 AM
Post #5


Regular Member
Group Icon

Group: Members
Posts: 410
Joined: 7-April 05
Member No.: 2012





--------------------------------------------------------------------------------

dukh dard k maro se mera zikar na karna
ghar jao to Yaro se mera zikar na karna


wo zabt na kar paen gay Ankho k samandar
tum gum gusaaro se mera zikar na karna


pholon k Nasheman Main raha hon sada se
dekho kabhi gairoon se mera zikar na karna


shahyad ye andehre hi mujhe rah dekhai
ab chaand sitaro se mera zikar na karna


wo meri kahani ko ghalat rang na de day
afsana nigaro se mera zikar na karna


shayad wo mere haal pe be-sakhta roo de
is bar baharo se mera zikar na karna


le jaingay gehrai mai tum ko bhi baha kar
darya k kinaro se mera zikar na karna


wo shakhs mile tou ussay har baat batana
tum sirf isharo se mera zikar na karma
_________________
User is offlineProfile CardPM
Go to the top of the page
+Quote Post
desi
post Mar 10 2008, 06:46 AM
Post #6


Regular Member
Group Icon

Group: Members
Posts: 410
Joined: 7-April 05
Member No.: 2012



bas itni si inaayat mujhpe aik baar kijiye
kabhi aa ke mere zakhmon ka dedaar kijiye

ho jaaiye begaane aap shauq se sanam
aapkee hun aapkee rahungee aitbaar kijiye

parrhne waale hi darr jaayen dekh kar ise
kitaab-e-dil ko itnaa na daagdaar kijiye

na majboor kijiye, ke main unko bhool jaaun
mujhe meri wafaaon ka na gunehgaar kijiye

in jalte diyon ko dekh kar na muskuraaiye
zara hawaaon ke chalne ka intezaar kijiye

karna hai ishq aapse karte rahenge hum
jo bhi karna hai aapko mere sarkaar , kijiye

phir sapno ka ashiyaan bana liya hai maine
phir aandhiyon ko aap khabardaar kijiye

hame na dikhaiye ye daulate ye shohrate
hum pyaar ke bhookhe hain hame pyaar kijiye
_________________
User is offlineProfile CardPM
Go to the top of the page
+Quote Post
desi
post Mar 10 2008, 06:54 AM
Post #7


Regular Member
Group Icon

Group: Members
Posts: 410
Joined: 7-April 05
Member No.: 2012



De Ker Ghum-e-Judaai Woh Jaane Kidher Gaya
Burpaa Qayamatein Jo Mere Dil Pe Ker Gaya

Jaate Hue Woh Le Ke Dua Ka Aser Gaya
Mujhe Ko Ghum-e-Hayat Se Begaana Ker Gaya

Dekha Jo Sooye Taj Mehel, Dil Ne Ye Kaha
Fun To Raha Hai Zinda Ke Funkaar Mer Gaya

Kia Yaad Ker Sake Ga Yahan Per Mujhe Koi
Sheraaza Meiri Husti Ka Jis Din Bikher Gaya

Phir Ajj Usi Ko Dhoondti Hai Ye Nigaah-e-Shouq
Dekhe Jise Ae Sanam Zamaaana Guzer Gaya
_________________
User is offlineProfile CardPM
Go to the top of the page
+Quote Post
Prince Charming
post Mar 24 2008, 12:49 AM
Post #8


Newbie
Group Icon

Group: Members
Posts: 8
Joined: 17-March 08
Member No.: 45417



Limit tends to infinity, words tends to heart,welcome tends to god,
i tends2u,n u tends2me.

> P _ C <
User is offlineProfile CardPM
Go to the top of the page
+Quote Post

Reply to this topicStart new topic
1 User(s) are reading this topic (1 Guests and 0 Anonymous Users)
0 Members:


 



- Lo-Fi Version | Disclaimer | HF Guidelines | Be An Angel Time is now: 19th September 2019 - 07:26 AM