Ek Aarzoo - Allama Iqbal |
Ek Aarzoo - Allama Iqbal |
noorie |
Apr 14 2007, 03:04 AM
Post
#1
|
Dedicated Member Group: Away Posts: 3219 Joined: 21-June 06 Member No.: 6518 |
Ek Aarzoo -Allama Iqbal Duniya ki mehfilon se ukta gaya hoon ya rabb Kya lutf anjuman ka, jab dil hi bujh gaya ho? Shorish se bhaagta hoon, dil dhoondta hai mera Aisa sakoot jis par taqdeer bhi fida ho Marta hoon khamoshi par, yeh aarzoo hai meri Daaman mein koh ke, ik chota sa jhonpda ho Azaad fikr se hoon, uzlat mein din guzaroon Duniya ke gham ka dil se kaanta nikal gaya ho Lazzat sarod ki ho chidiyon ke chehchehon mein Chashme ki shorish mein baaja sa baj raha ho Gul ki kali chitak kar paigham de kisi ka Saagar zara sa goya, mujhko jahaan-numa ho Ho haath ka sarhana, sabza ka ho bachoona! Sharmaaye jis se jalwat, khlawat mein woh ada ho Maanoos is qadr ho soorat se meri bulbul Nanhe se dil mein us ke khatka na kuchh m'ra ho Saf baandhay donon jaanib bootay hare hare ho Nadi ka saaf paani tasveer le raha ho Ho dilfareb aisa kohisaar ka nazaara Paani bhi mouj ban kar uth uth ke dekhta ho Aaghosh mein zameen ki soya huwa ho sabza Phir phir ke jhadiyon mein paani chamak raha ho Paani ko choo rehi ho jhuk jhuk ke gul ki tehni Jaise haseen koi aa'ina dekhta ho Mehndi lagaaye sooraj jab shaam ki dulhan ko Surkhi liye sunehri har phool ki qaaba ho Raaton ko jalne waale reh jayein thak ke jis dum Umeed unki mera toota huwa diya ho Bijlee chamak ke unko katiya m'ri dikha de Jab aasmaan pe harsu baadal ghara huwa ho Pichle pehr ki koy'al, woh subah ki muazzin Main uska hum-nava hoon, woh meri hum-nava ho Kaanon pe ho na mere dair o haram ka ihsaan! Rozan hi jhonpadi ka, mujhko sehr-numa ho Phoolon ko aaye jis dam shabnam wuzu karne rona mera wuzu ho, naala meri dua ho! Is kham'shi mein jaayein itne buland naalay Taaron ke qaafilay ko meri sada dara ho Har dardmand dil ko rona mera rula de Behosh jo pade hain shaayad inhein jagaa de! "During times of universal deceit, telling the truth becomes a revolutionary act" "You have enemies? Good! It means that you stood up for something, sometime in your life." |
ZaiRa |
Apr 20 2007, 03:16 AM
Post
#2
|
Regular Member Group: Members Posts: 309 Joined: 1-November 06 From: Toronto, Canada!!-- Member No.: 7593 |
Nice one N, thanks for sharing
.
|
kabir |
Apr 25 2007, 11:43 AM
Post
#3
|
Member Group: Members Posts: 188 Joined: 2-February 06 Member No.: 4604 |
nice
|
Lo-Fi Version | Disclaimer | HF Guidelines | | Time is now: 25th April 2024 - 05:32 PM |