Hum Dekhenge - Faiz Ahmed Faiz

Hum Dekhenge - Faiz Ahmed Faiz

Options

noorie	Jun 19 2007, 11:23 PM Post #1
Dedicated Member Group: Away Posts: 3219 Joined: 21-June 06 Member No.: 6518	Hum Dekhenge - Faiz Ahmed Faiz Hum dekhenge Lazim hai ke hum bhi dekhenge Woh din ke jis ka waada hai Jo loh-e-azl pe likha hai Hum dekhenge Jab zulm-o-sitam ke koh-e-garaan Rui ki tarah ud jayenge Hum mehkumoon ke paun tale Yeh dharti dhad dhad dhadkagi Aur ehl-e-hukum ke sar upar Jab bijli kad kad kadkegi Hum dekhenge Jab arz-e-khuda ke Kabe se Sab but uthwaye jayenge Hum ahl-e-safa mardood-e-haram Masnad pe bithaye jayenge Sab taaj uchale jayenge Sab takht giraye jayenge Bas naam rahega Allah ka Jo ghayab bhi hai hazir bhi Jo nazir bhi hai manzar bhi Uthega analhaq ka naara Jo main bhi hoon aur tum bhi ho Aur raaj karegi khalq-e-khuda Jo main bhi hoon aur tum bhi ho Hum dekhenge Lazim hai ke hum bhi dekhenge Hum dekhenge *"During times of universal deceit, telling the truth becomes a revolutionary act"* "You have enemies? Good! It means that you stood up for something, sometime in your life."